Папата Лав XIV: „Без мудрост, технологијата може да стане средство за уништување“

Папата Лав XIV денес во Париз предупреди дека научниот и технолошкиот развој мора да биде насочен кон доброто на човекот, оценувајќи дека без соодветна мудрост технологијата може да се претвори во средство за уништување.

— реклама —

Во обраќањето во седиштето на УНЕСКО, папата војувањето го опиша како „најлошото дело на човечкото суштество“, особено кога научните достигнувања се користат за нехумани цели.

— реклама —

Лав XIV порача дека технологијата треба да служи за заштита на човечкото достоинство, а не да се претвора во „инструмент на доминација и неправда“.

Тој ги повика и светските лидери доследно да го почитуваат владеењето на правото, посочувајќи дека оние што се на власт понекогаш се повикуваат на законите само кога тоа им одговара.

— реклама —

Во текот на четиридневната посета на Франција, папата предупреди и на ризиците поврзани со генетските манипулации, сурогатството, трговијата со човечки органи и неконтролираниот развој на вештачката интелигенција.

Според Лав XIV, научното знаење и технолошките способности треба да се насочат кон создавање општества во кои сите народи ќе имаат можност да живеат и да се развиваат во мир.