Папата Лав XIV оди во Франција, ќе се сретне со жртви на сексуална злоупотреба

Папата Лав XIV ќе се сретне со жртви на сексуална злоупотреба од страна на свештеници за време на неговата четиридневна посета на Франција, која ќе се одржи од 25 до 28 септември, соопшти Ватикан.

— реклама —

Од Ватикан информираа дека жртвите ќе учествуваат и во подготовката на средбата, а дополнително ќе бидат објавени времето и местото на нејзиното одржување.

— реклама —

— реклама —

За време на посетата, папата ќе се сретне и со францускиот претседател Емануел Макрон, ќе одржи говор во седиштето на УНЕСКО во Париз, ќе ги посети Лурд и Мец, каде што ќе учествува на меѓурелигиска средба.

— реклама —

Минатиот месец Лав XIV ја потврди својата заложба за борба против сексуалните злоупотреби во Католичката црква и назначи нов претседател на ватиканската советодавна комисија за заштита на децата. Според извештај од 2021 година, во Франција околу 330.000 деца биле жртви на сексуална злоупотреба од страна на црковен персонал во изминатите седум децении.