Песков потврди: Шефот на ЦИА имал контакти со руските разузнавачи, но не се сретнал со Путин

Портпаролот на Кремљ, Дмитриј Песков, потврди дека директорот на ЦИА, Џон Ратклиф, за време на вчерашната посета на Москва имал контакти со руски разузнавачки претставници, но категорично ги отфрли информациите дека се сретнал со Владимир Путин.

— реклама —

Песков изјави дека рускиот претседател бил информиран за контактите, но засега нема планирани нови средби на ниво на Кремљ со американски претставници.

— реклама —

— реклама —

„Имало контакти преку разузнавачките служби. Можам да ве уверам дека немало средби со рускиот претседател. Тоа е сè што можам да ви кажам за ова прашање“, рече Песков.

Тој додаде дека засега не може да потврди какви било идни договори или контакти меѓу други американски и руски институции.