КРЕМЉ

CNN: Кремљ ја отфрли можноста за средба Путин–Зеленски

И покрај сигналите од Вашингтон за можен директен состанок меѓу Владимир Путин и Володимир Зеленски, Кремљ засега го отфрла тоа сценарио. Според CNN, рускиот претседател не е подготвен – а можеби никогаш и нема да биде – да седне на иста маса со својот украински колега.По најавите од Белата куќа за идеја за билатерален состанок, Кремљ веднаш ги спушти очекувањата. Советникот на Путин, Јуриј Ушаков, изјави дека било разговарано за можност за „подигнување на нивото“ на руската и украинската делегација, но не и за средба на самите лидери.Шефот на руската дипломатија, Сергеј Лавров, додаде дека Москва „не одбива ниту еден формат на работа“, но предупреди дека состаноци на највисоко ниво мора да се подготват „со исклучителна внимателност“.За Путин, Украина не е независна држава, туку дел од „руската историја и култура“. Затоа, за аналитичарите, средбата со Зеленски би претставувала признание на неговата легитимност – нешто што Кремљ систематски го негира.„Тоа би било пораз за Путин, затоа што би морал да седне со претседател кој, според неговата реторика, е само ‘шегобиец’ од земја што тој не ја признава“, вели Ориша Луцевич од тинк-тенкот Chatham House.Аналитичарката Татјана Становаја од Carnegie Russia Eurasia Center вели дека Путин гледа кон Доналд Трамп како главен посредник. Според неа, Москва очекува САД да го притиснат Киев да попушти во однос на териториите.Зеленски досега ги отфрли таквите сценарија. Сепак, Русија би можела да предложи нови преговори во Истанбул, но со делегации на повисоко ниво, наместо со самите претседатели.Американскиот претседател Доналд Трамп изјави дека „иницирал подготовки“ за средба Путин–Зеленски, но потоа призна дека конечната одлука е кај самите лидери.Во меѓувреме, Москва нема причина за брзање: Путин веќе доби самит со Трамп на Алјаска, американската страна се повлече од условот за примирје пред преговори, а санкциите стивнаа. На терен, Русија ја интензивира офанзивата – само во понеделник лансирајќи 270 дронови и 10 ракети кон украински градови.Како што заклучува CNN, единствената непозната сега е – кого Трамп ќе обвини ако иницијативата пропадне.

Свет | пред 5 месеци

Трамп со жесток напад врз Путин – Кремљ не остана должен

Кремаљ рече дека тврдењето на американскиот претседател Доналд Трамп дека Владимир Путин „потполно полудел“ може да биде резултат на емоционално преоптоварување, но му се заблагодари на американскиот лидер за помошта во започнувањето мировни преговори за Украина.Трамп рече дека Путин „потполно полудел“ со започнувањето на најголемиот воздушен напад во војната врз Украина, додавајќи дека размислува за нови санкции врз Москва, иако го критикуваше и украинскиот претседател Володимир Зеленски.„Секако, почетокот на преговарачкиот процес, за кој американската страна вложи многу труд, е многу значајно достигнување и искрено сме благодарни на Американците, а особено на претседателот Трамп, за нивната помош во организирањето и започнувањето на овој процес. Ова е навистина важно достигнување. Во исто време, ова е многу чувствителен, клучен момент, кој е поврзан со емоционалниот товар на сите вклучени и емоционалните реакции. Внимателно ги следиме сите реакции. Сепак, претседателот Путин ги носи оние одлуки што се неопходни за безбедноста на нашата земја. Сите бевме сведоци како режимот во Киев им се закануваше на странските лидери пред нивното пристигнување во Москва за да го прослават Денот на победата. Сите ги слушнаа овие закани. И многу лидери кои беа тука беа сведоци на обидите на режимот во Киев да нападне руска територија со беспилотни летала - големи градови, па дури и главниот град - во пресрет на толку важен ден. Овие обиди продолжуваат. Принудени сме да преземеме мерки, а претседателот Путин прави што е потребно за да ја обезбеди безбедноста на Русија“, рече Песков.Украинските воздухопловни сили соопштија дека Русија лансирала 355 дронови и девет крстосувачки ракети кон Украина во текот на ноќта, во она што портпаролот на воздухопловните сили го нарече најголемиот руски напад со дронови досега во војната.

Свет | пред 8 месеци