Пет активни пожари во Македонија, 42 се изгаснати – најкритично кај Моране

Вкупно 51 пожар на отворен простор биле регистрирани во земјава до 07:30 часот денеска, информира Центарот за управување со кризи (ЦУК).

Од вкупниот број, пет пожари се активни, четири се ставени под контрола, додека 42 пожари се целосно изгаснати.

— реклама —

Активни се пожарите во Општина Студеничани, над селата Моране, Вртекица и Рамни Габер, каде гори мешана шума, како и во Старо Балдовци во Општина Босилово, каде што е зафатена ниска вегетација и шамак.

— реклама —

Пожари има и во селото Маково, Општина Новаци, каде гори ниска вегетација, во селото Муждивњак во Општина Крива Паланка, каде се зафатени ниска вегетација и багреми, како и во атарот на селото Лозани во Општина Могила, каде гори ниска вегетација.

Под контрола се пожарите на градската депонија во Делчево, кај Ново Село на планината Огражден, во селото Манастирско Доленци во Кичево и во селото Копанце во Јегуновце.

— реклама —

Во текот на изминатиот период биле изгаснати 42 пожари на различни локации низ земјава. Меѓу нив се и пожарите во селата Врањовце, Чифлик, Букри, Климештани, Осој, Зајас, Покрвеник, Тополчани, Врбјани, како и на повеќе локации во Скопје – Илинден, Гази Баба, Кисела Вода, Чаир, Зелениково, Сарај, Ѓорче Петров и Шуто Оризари.

— реклама —

Изгаснати се и повеќе пожари во прилепскиот, битолскиот, кумановскиот, тетовскиот и кичевскиот регион, а меѓу зафатените површини имало ниска вегетација, стрништа, шума, грмушки, отпад и депонии.

ЦУК продолжува да ја следи состојбата на терен и да ги координира надлежните служби во справувањето со пожарите.