Пет активни пожари во Македонија, три се под контрола

До 13 часот денеска во земјава се регистрирани вкупно девет пожари на отворен простор, од кои пет сè уште се активни, три се ставени под контрола, а еден е целосно изгаснат, информира Центарот за управување со кризи.

— реклама —

Активни се пожарите во Општина Македонски Брод, на месноста Видуш во близина на селото Драгов Дол, каде што гори ниска вегетација, нискостеблеста шума и грмушки, како и над селата Моране, Вртекица и Рамни Габер во Општина Студеничани, каде што е зафатена мешана шума.

— реклама —

Пожар е активен и во населбата Илинден, каде што гори ниска вегетација, како и во селото Чифлик во Општина Желино, каде што огнот зафатил ниска вегетација и мешана шума. Активен пожар има и во селото Букри, Општина Битола, каде што гори ниска вегетација.

Под контрола се пожарите на градската депонија во Делчево, во близина на Ново Село на планината Огражден, каде што се зафатени депонија, деградирана мешана шума и ниска вегетација, како и во селото Зајас, Општина Кичево, каде што гори стрниште, борова шума и гуми.

— реклама —

Целосно изгаснат е пожарот во селото Врањовце, Општина Врапчиште, каде што горела ниска вегетација.

— реклама —

Од ЦУК продолжуваат да ја следат состојбата со пожарите на отворен простор низ земјава.