Пет активни пожари во земјава, огнот зафати и мешани и дабови шуми

До 13 часот денеска во земјава се регистрирани 10 пожари на отворен простор, од кои пет се активни, два се под контрола, а три се целосно изгаснати, информира Центарот за управување со кризи (ЦУК).

Активни пожари има во општините Студеничани, Македонски Брод, Велес и Зелениково, Јегуновце, Желино и Сарај, како и во Штип.

— реклама —

Во Студеничани гори мешана шума во атарите на селата Моране, Вртекица и Рамни Габер. Во Македонски Брод пожарите се активни на местата Видуш, кај селата Драгов Дол и Локвица, каде што е зафатена ниска вегетација, нискостеблеста шума и грмушки.

— реклама —

Пожарот што зафаќа територија на Велес и Зелениково е активен кај селото С’лп, на месноста Горно Село, со ширење кон Карабуњиште и селата Добрино и Тисовица. Гори ниска вегетација, дабова и габерова шума, како и квалитетна дабова шума.

Активен пожар има и на подрачјето на Јегуновце, Желино и Сарај, кај селата Копанце и Туденце, Церово, со ширење кон Бојане. Таму е зафатена мешана шума.

— реклама —

Во Штип, пожарот е активен во населбата Балканска, каде што гори ниска вегетација.

— реклама —

Два пожари се ставени под контрола – во селото Железница во општина Кратово, каде што гори депонија, и во Делчево, исто така на депонија.

Во текот на денот се изгаснати три пожари. Во општина Куманово бил изгаснат пожарот кај Табановце, на месноста Сланиште. Во Крушево се изгаснати пожарите кај селата Алданци и Норово, како и кај Борино и Житоше.