Пет пожари на отворено регистрирани до 13 часот, активни се три

До 13:00 часот денеска се регистрирани вкупно пет пожари на отворен простор, од кои три се активни, а два се ставени под контрола, информира Центарот за управување со кризи.

— реклама —

Активни пожари има во општините Бутел, Битола и Брвеница. Во село Визбегово гори ѓубре и ниска вегетација, во село Канино, Битола, е регистриран пожар на ѓубре, додека во село Брвеница гори стрниште и ниска вегетација.

— реклама —

— реклама —

Два пожари се под контрола. Едниот е на подрачјето на општините Македонски Брод и Сопиште, односно во село Белица, на местото викано „Кајорец“, од каде што пожарот се проширил кон Јасен. Таму гори нискостеблеста и мешана шума.

Вториот пожар под контрола е регистриран во село Пчиња, општина Куманово, каде што е зафатена депонија.