Петровска со критики до ВМРО-ДПМНЕ за гласањата во Собранието: Ова не е патриотизам, туку лицемерие

Пратеничката на СДСМ и поранешна министерка за одбрана, Славјанка Петровска, упати критики кон ВМРО-ДПМНЕ поради гласањата во Собранието.

— реклама —

Во објава на социјалните мрежи, Петровска наведе дека ВМРО-ДПМНЕ гласало против предлози што се однесуваат на ограничување на двојните државјанства за членовите на Владата, поддршка за ученици кои се натпреваруваат на меѓународни натпревари, како и мерки за подобра здравствена поддршка за деца со попреченост и лица со ретки болести.

Таа посочи дека владејачката партија гласала и против мерки за помош на ранливите категории граѓани и олеснувања за паркирање за лица со попреченост, аутизам и нивните семејства.

— реклама —

Од друга страна, според Петровска, ВМРО-ДПМНЕ поддржало ново задолжување од 260 милиони евра.

— реклама —

„Кога треба да се покаже патриотизам на дело — молчат. Кога треба да се расчисти кој со какво државјанство ја води државата — гласаат против. Кога треба нов долг — тогаш се први“, напиша Петровска.

Таа оцени дека ваквото однесување не претставува патриотизам, туку лицемерие, додавајќи дека граѓаните заслужуваат власт што ќе ги брани нивните интереси.