Пезешкијан: Прекинот на огнот е плод на крвта на Хамнеи

Претседателот на Иран, Масуд Пезешкијан, изјави дека прекинот на огнот е резултат на „крвта на великомаченичкиот лидер“ Али Хамнеи.

— реклама —

„Прекинот на огнот, со прифаќање на општите принципи што Иран ги бараше, е плод на крвта на нашиот великомаченички водач Хамнеи и постигнување на присуството на сите луѓе на теренот. Од денес па натаму, ќе останеме заедно – било во дипломатијата, одбраната, на улица или во службата“, напиша Пезешкијан на социјалната мрежа Икс.

— реклама —

Врховниот лидер на Иран, ајатолах Али Хамнеи, беше убиен на првиот ден од нападите на американските и израелските сили врз Иран на 28 февруари, по што на функцијата го наследил неговиот син, Мојтаба.

Премиерот на Пакистан, Шехбаз Шариф, соопшти дека Иран, САД и нивните сојузници постигнале договор за итен прекин на огнот кој стапува во сила веднаш и ги опфаќа сите зони на конфликт.

— реклама —

Претседателот на САД, Доналд Трамп, претходно изјави дека по разговори со пакистанското раководство е договорен двонеделен прекин на огнот меѓу САД и Иран.

Набрзо откако беше објавен договорот, иранските власти го потврдија, наведувајќи дека тој вклучува „континуирана иранска контрола над Ормускиот теснец“.