Пијан возач превезувал товар на автопатот Велес–Скопје, заврши во полиција

Професионален возач од Прилеп е лишен од слобода откако бил затекнат како управува товарно возило под дејство на алкохол и врши вонгабаритен превоз без потребното одобрение на автопатот Велес–Скопје.

— реклама —

Од Министерството за внатрешни работи информираат дека денеска околу 8:40 часот полициски службеници од Мобилната единица за безбедност на сообраќајот го запреле товарното возило „Волво“ со прилепски регистарски ознаки. При контролата било утврдено дека возачот К.З. (62) од Прилеп превезувал работна машина – дигалка, широка 275 сантиметри, без одобрение за вонреден превоз.

— реклама —

Со извршениот алкотест било утврдено и присуство на 1,81 промили алкохол во организмот.

— реклама —

Против возачот ќе биде поднесена кривична пријава за безобѕирно управување со моторно возило, согласно член 297-а од Кривичниот законик, како и прекршочни санкции за вршење вонгабаритен превоз без одобрение. Ќе биде поведена и прекршочна постапка против правното лице и одговорното лице во него.

— реклама —

Од МВР најавуваат дека засилените сообраќајни контроли ќе продолжат и во наредниот период низ целата држава, со цел санкционирање на прекршителите и зголемување на безбедноста во сообраќајот.