Четириесет и деветгодишен жител на кумановското село Доброшане е лишен од слобода откако бил затекнат како управува автомобил под дејство на алкохол.
Од Министерството за внатрешни работи информираат дека на 29 јули, околу 15:18 часот, на булеварот „Октомвриска револуција“ во Куманово, полициски службеници запреле патничко возило „опел“ со кумановски регистарски ознаки, управувано од М.К. (49).
При извршената контрола било утврдено дека возачот бил под дејство на алкохол, при што алкотестот покажал 1,91 промили алкохол во крвта.
По целосното документирање на случајот, против него ќе биде поднесена соодветна пријава.
