Пијан возач удрил во трактор кај Радовиш, две жени тешко повредени

Две жени се здобиле со тешки телесни повреди, а уште едно лице е повредено во сообраќајна несреќа што ноќеска се случила на патот меѓу селата Калуѓерица и Подареш, во радовишко.

— реклама —

Од Министерството за внатрешни работи информираат дека на 29 јули околу 02:40 часот во ОВР Радовиш било пријавено дека на општинскиот пат се судриле патничко возило „Фолксваген Голф“ со радовишки регистарски ознаки, управувано од 51-годишниот М.Т. од селото Ораовица, и трактор со приколка, управуван од 56-годишниот Г.М. од селото Подареш.

— реклама —

Во несреќата со тешки телесни повреди се здобиле сопатничките во тракторот, Ф.И. (39) и А.И. (41), двете од Радовиш, додека Ѓ.И. (70) од Радовиш се здобил со телесни повреди. Повредите биле констатирани во Клиничката болница во Штип.

— реклама —

При увидот, полициските службеници утврдиле дека возачот на автомобилот управувал под дејство на алкохол, при што му биле измерени 1,17 промили алкохол во крвта.

— реклама —

По целосното документирање на случајот, против него ќе биде поднесен соодветен поднесок.