Пиштол и 23 пакувања кокаин пронајдени во куќа во Голема Речица, приведен 57-годишник

Пиштол и поголемо количество кокаин биле пронајдени при полициски претрес во дом и помошни простории во Голема Речица, а 57-годишен маж бил лишен од слобода и задржан во Полициската станица Тетово.

— реклама —

Според информациите од МВР, на 16 октомври, во периодот од 15 до 16:30 часот, полициските службеници извршиле претрес кај А.А. (57), врз основа на судска наредба, поради сомнение за сторено кривично дело по член 215 од Кривичниот законик.

— реклама —

При претресот, во соба во подрумската просторија, под кревет бил пронајден пиштол од марката „Екол дуал“ со една празна рамка. Во помошна просторија во куќата, во навлака од перница, биле пронајдени 22 мали најлонски кесички со кокаин и една поголема најлонска кеса со истата дрога.

— реклама —

Од МВР информираат дека за време на претресот лицето упатувало закани кон полициските службеници, по што било лишено од слобода и задржано во Полициската станица Тетово за понатамошна постапка.

По целосното документирање на случајот, против него ќе биде поднесена соодветна пријава.