Платите на вработените во Армијата и одбраната се зголемуваат за 10%

Платите на вработените во Армијата и одбраната ќе бидат зголемени за 10 проценти со Буџетот за 2027 година, соопшти министерот за одбрана Владо Мисајловски.

— реклама —

Тој информираше дека Буџетот бил усвоен на последната владина седница и сега треба да биде доставен до Собранието. Според Мисајловски, зголемувањето ќе ја опфати основната плата, но и сите останати компоненти што влегуваат во нејзината пресметка.

— реклама —

— реклама —

Министерот оцени дека станува збор за историски најголемо зголемување во апсолутна вредност, посочувајќи дека договорот бил постигнат преку социјален дијалог и соработка со синдикатите и претставниците на Армијата.

— реклама —

Мисајловски им се заблагодари на премиерот Христијан Мицкоски и министерката за финансии Гордана Димитриеска-Кочоска за поддршката, упатувајќи честитки до вработените во Армијата и одбраната.