По 2.500 евра награда за полицајците кои беа на првата линија на протестите во Тирана, најави Рама

Албанскиот премиер Еди Рама најави еднократна парична награда од по 2.500 евра за полицајците кои беа распоредени во првите редови за време на протестите во Тирана.

— реклама —

Одлуката била соопштена на средба со полициските раководители на 19 октомври, на која присуствувал и министерот за внатрешни работи Ервин Демо, објави „Еуроњуз Албанија“. Рама посочил дека средствата ќе бидат достапни веднаш и дека сите полицајци опфатени со мерката ќе добијат ист износ, без оглед на редовната плата.

— реклама —

Како причини за наградата ги навел притисокот со кој се соочуваат полициските службеници и дополнителните трошоци во актуелниот период.

— реклама —

Покрај еднократната исплата, Рама најавил и значително зголемување на платите во полицијата од 1 јануари. За оваа мерка се разговарало во рамките на подготовките за новиот државен буџет, но засега не е соопштен процентот на покачувањето.

Албанскиот премиер ги осудил и нападите врз полицајците, изразувајќи поддршка за нив и за нивните семејства. Најавите доаѓаат по протестите што се одржаа претходната вечер во Тирана.