„По Гостивар и над 50 места низ цела Македонија, четири реки, сега и лоша вода во Кривогаштани“, вели СДСМ

СДСМ преку соопштение обвини дека проблемот со безбедноста на водата за пиење во Македонија добива пошироки размери, откако, според партијата, во јавна чешма во Кривогаштани биле утврдени бактерии кои ја прават водата небезбедна за пиење.

— реклама —

Од СДСМ посочуваат дека во водата од јавната чешма со кисела вода во Кривогаштани биле утврдени Escherichia coli, интестинални ентерококи, Pseudomonas aeruginosa, како и зголемен број колиформни бактерии.

Партијата тврди дека ова е уште еден случај по проблемите со водата во Гостивар и Демир Капија, како и по предупредувањата за состојбата со водоснабдувањето во повеќе места низ земјава.

— реклама —

„Македонија без безбедна вода“, наведуваат од СДСМ, обвинувајќи ја Владата за системски пропусти и недоволна информираност на јавноста.

— реклама —

Од опозициската партија повторно го отвораат и прашањето за состојбата со водата во Гостивар. Според нив, сè уште нема официјален документ со кој, како што велат, се потврдува исправноста на водата и целосна анализа, ниту одговор кој е одговорен за состојбата.

СДСМ бара и одговор од надлежните институции за тоа кој дозволил граѓаните во Гостивар да користат неисправна вода и зошто сè уште нема целосна одговорност за случајот.

— реклама —

Од партијата оценуваат дека случаите во Гостивар, Демир Капија и Кривогаштани покажуваат дека проблемот не треба да се третира како изолиран, туку како прашање што бара сериозна институционална реакција.