По нападот врз саудискиот аеродром со 12 загинати, Хутите со ново предупредување до патниците и авиокомпаниите

Јеменските бунтовници Хути повторно ги предупредија авиокомпаниите, аеродромскиот персонал и патниците да не ги користат саудиските аеродроми, еден ден по нападот врз аеродромот „Крал Калид“ во Ријад, во кој загинале 12 лица, а 309 биле повредени.

Јеменските бунтовници повторно упатија предупредување до авиокомпаниите, аеродромските работници и патниците да ги избегнуваат саудиските аеродроми, нагласувајќи дека нивната порака треба да се сфати сериозно.

— реклама —

Хутите соопштиле дека Саудиска Арабија е одговорна за, како што тврдат, неуспешните обиди за пресретнување на проектилите што оваа група ги лансирала кон Ријад, пренесува „Ројтерс“.

— реклама —

Според податоците на саудиските власти, најмалку 12 лица загинале, а 309 биле повредени во саботата во нападот врз меѓународниот аеродром „Крал Калид“ во Ријад.

Хутите засега не ја презеле одговорноста за нападот.

— реклама —

Саудиската коалиција, која учествува во конфликтот против Хутите во Јемен, соопштила дека нападот претставува „воено злосторство од големи размери“.

Портпаролот на коалицијата, Турки ал-Малики, изјавил дека станува збор за „терористички чин“ и најавил силен одговор.

(Видео) Масакр на аеродромот во Ријад: 12 загинати, повеќе од 300 повредени

Дванаесет лица загинаа, а повеќе од 300 беа повредени во вчерашниот ракетен напад врз меѓународниот аеродром „Крал Калид“ во Ријад, соопштија саудиските власти. Одговорноста за нападот ја презедоа јеменските Хути, кои имаат поддршка од Иран.Меѓу загинатите има четворица државјани на Саудиска Арабија, како и државјани на Бангладеш, Палестина, САД, Египет, Јордан, Сирија и Судан. Дел од повредените се во критична состојба.Проектилот погодил дел од аеродромскиот комплекс во кој се наоѓаат терминали

Свет | пред 5 часа