По реакциите, Славески се извини: Зборував за медиумите во Србија, не за македонските новинари

Гувернерот на Народната банка на Северна Македонија, Трајко Славески, преку објава на социјалната мрежа Икс (X) се извини доколку неговата изјава во емисијата „Топ тема“ на Телма била погрешно разбрана и предизвикала навреда кај македонските новинари.

Славески појаснува дека во делот од емисијата во кој изјавил дека „медиумите ја урнаа банката“, мислел исклучиво на медиумските објави во Србија, поврзани со работењето на Алта банка од Белград, шпекулациите и непроверените информации за одливот на средства од банката, кои циркулирале неколку дена пред Народната банка на Србија да ѝ ја одземе дозволата за работа.

— реклама —

Тој нагласува дека во ниту еден момент не мислел на Алта банка АД Битола, ниту, пак, имал намера да ја доведе во прашање професионалноста на македонските медиуми.

— реклама —

Во објавата, гувернерот се осврнува и на случувањата во Македонија, посочувајќи дека, според него, прес-конференциите на СДСМ придонеле за создавање недоверба и дополнителен притисок, во контекст на кој била воведена и заштитната мерка за ограничување на исплатите на 10.000 денари неделно.

„Особено ми паѓа тешко доколку мојата изјава е разбрана поинаку од новинари и припадници на новинарската фела чија работа исклучително ја почитувам и чии текстови редовно ги читам“, наведува Славески.

— реклама —

Тој упатува искрено извинување до сите припадници на новинарската фела кои можеби се почувствувале навредени од неговата формулација, нагласувајќи дека тоа во никој случај не била неговата намера.

— реклама —

(Видео) Славески ги обвини медиумите за пропаста на Алта банка: „Со шпекулациите создадоа недоверба“

Гувернерот на Народната банка, Трајко Славески, ги посочи медиумските шпекулации како причина за создавање недоверба во Алта банка во Србија, тврдејќи дека медиумите придонеле за нејзиното уривање. Во разговор со водителката Наташа Стојановска во Топ тема, тој го оспори и известувањето на британскиот „Фајненшл тајмс“, кој објави детали за финансиските проблеми на банката, сомнежите за перење пари и повлекувањето големи суми од нејзините сметки.„’Фајненшл тајмс’ може сѐ да напише, тоа се дневни в

Македонија | пред 23 часа