Полицијата во Гостивар приведе 34-годишен маж, откако неговата сопруга пријавила дека физички ја нападнал и ѝ одзел пари и клучеви од автомобилот.
Како што информираат од Министерството за внатрешни работи, на 31 јули околу 02:20 часот на улицата „18 Ноември“ во Гостивар, полициски службеници од ОВР Гостивар го лишиле од слобода Х.С. (34) од Гостивар.
Претходно, неговата 36-годишна сопруга пријавила дека околу 23:00 часот, по кратка семејна расправија, тој физички ја нападнал во нивниот дом, по што од нејзината чанта ги одзел парите и клучевите од нејзиното возило и го напуштил местото.
Осомничениот е задржан во полициска станица, а по целосно документирање на случајот против него ќе биде поднесена соодветна пријава.
