По три години, натпревар од женска конкуренција повторно ќе се игра во престижниот вечерен термин на централниот терен „Филип Шатрије“ на Ролан Гарос.
Во понеделник од 20:15 часот, во осминафиналето ќе се соочат првата тенисерка на светот, Арина Сабаленка, и поранешната светска број 1, Наоми Осака.
Ова ќе биде прв женски меч во вечерната сесија на турнирот по три години, со што се прекинува серијата од 32 последователни вечерни термини резервирани исклучиво за машки натпревари.
Откако беше воведена ноќната програма во 2021 година, само четири од вкупно 60 натпревари во тој термин биле од женска конкуренција.
Директорката на турнирот, Амели Морезмо, претходно објаснуваше дека организаторите претпочитаат машки мечеви во вечерниот термин поради можноста женските натпревари да завршат премногу брзо.
Организаторите сметаат дека тоа е важно и поради високите цени на билетите, кои се движат од 60 до 280 евра, бидејќи гледачите очекуваат подолга програма.
За разлика од Австралија опен и УС опен, каде во вечерната програма се играат по два меча, на Ролан Гарос остануваат на концептот со само еден натпревар поради стравувањата од предоцни завршетоци.
