СВР Струмица поднесе кривична пријава против 41-годишниот В.К. од Струмица, поради сомнение дека сторил кривични дела „предизвикување општа опасност“ и „тешки дела против општата сигурност“, соопшти Министерството за внатрешни работи.
Според информациите, осомничениот на 25 јули околу 22 часот подметнал пожар на трактор во сопственост на 70-годишен струмичанец, а неколку часа подоцна, на 26 јули околу 1 часот, запалил и патничко возило „Киа“, сопственост на друго лице од Струмица.
Двата пожара биле изгаснати по интервенција на Територијалната противпожарна единица Струмица, а во инцидентите нема повредени лица.
Осомничениот бил лишен од слобода и задржан во Полициската станица Струмица. По насоки на Основното јавно обвинителство Струмица, против него е поднесена кривична пријава, а судија на претходна постапка при Основниот суд Струмица му определил мерка притвор во траење од 30 дена.
