Единицата за внатрешни работи Ѓорче Петров при СВР Скопје денеска (05.05.2026) до Основното јавно обвинителство Скопје поднела шест кривични пријави против Е.А и А.М, Е.С., Р.С. и Р.Г., С.А., В.И. и Ѓ.И., А.Т. и Т.Т. , поради основано сомнение за кривично дело „запуштање и малтретирање дете“.
Пријавите се однесуваат на лица чии малолетни деца, според истрагата, извршиле физички напад врз 13-годишна малолетничка во Ѓорче Петров.
Во врска со истиот случај, на 29.04.2026 година ЕВР Ѓорче Петров до ОЈО Скопје поднела и кривична пријава против четири малолетнички, кои се поврзуваат со настанот.
Кривична за малолетничките кои тепаа и снимаа 13 годишно девојче во Ѓорче Петров - следува кривична и за родителите
Во СВР Скопје е поднесена кривична пријава против четири малолетнички – една на 17 и три на 14 години, сите од Скопје, поради сомнение за сторени две кривични дела „насилство“. Случајот се однесува на врсничко насилство врз 13-годишна малолетничка, кое се случило во два одделни настани на 27 и 30 март 2026 година.Според информациите од МВР, пријавените во двата наврати физички ја нападнале малолетничката, а за инцидентите биле објавени и видео-записи и фотографии на социјална мрежа. Кривичната пријава е доставена до Основното јавно обвинителство Скопје, а постапката се води согласно Законот за правда за децата.Од Министерството за внатрешни работи најавуваат дека во текот на утрешниот ден ќе биде поднесена кривична пријава и против родители на инволвираните малолетнички. Во меѓувреме, се преземаат мерки за целосно расчистување на случајот, а полициски службеници работат на прибирање докази и разговори со сите засегнати лица во присуство на родители.Случајот претходно беше пријавен како врсничко насилство, а според првичните информации полицијата постапува по повеќе индиции и материјални докази, вклучително и видео-снимки, со цел целосно документирање на настаните.
Македонија | пред 23 часа
