Полицаец пронашол мртов човек, му го украл идентитетот и се вселил во неговата куќа - морбиден случај во Флорида

Полицаец од Флорида е обвинет дека го украл идентитетот на починат маж, чие тело го пронашол при службена интервенција, а потоа се вселил во неговата куќа, ја реновирал и со години живеел во неа без никој да ја открие измамата.

Станува збор за 35-годишниот Брајан Луис Сгурос, полициски службеник во градот Лодерхил, кој неделава бил уапсен од Канцеларијата на шерифот на округот Брауард, објави Би-би-си.

— реклама —

Случајот започнал во 2022 година, кога полицијата добила повик да ја провери состојбата на 71-годишниот Денис Вест. Сгурос бил испратен како дополнителна полициска поддршка, а при интервенцијата било утврдено дека Вест починал од природна смрт.

Според истражителите, полицаецот тогаш смислил план како да ја преземе куќата на починатиот. На надлежните за утврдување на причината за смртта им се претставил како негов пријател, иако не биле пронајдени никакви докази дека двајцата претходно се познавале.

Тој наводно изјавил и дека Вест нема живи членови на семејството, што подоцна се покажало како неточно. Полицаецот потоа го организирал кремирањето на телото.

— реклама —

Снимките од службената камера на неговата униформа, според судските документи, не покажуваат дека претходно имал каков било контакт со починатиот.

Истрагата утврдила дека Сгурос уште во август 2022 година ја презел куќата и се вселил во неа. Во 2025 година доставил документација до надлежната служба за процена на недвижности, наведувајќи дека го користи имотот од август 2022 година.

— реклама —

Во своја одбрана тврдел дека куќата била во лоша состојба и дека сакал да спречи други лица незаконски да се вселат во неа. Во меѓувреме ги плаќал сметките за комунални услуги, кои и понатаму биле на име на починатиот сопственик.

Полицаецот побарал и дозвола за замена на надворешните врати и прозорците, за што биле предвидени околу 8.000 долари. Според неговите тврдења, во реновирањето на куќата вложил повеќе од 214.000 долари и значително ја зголемил нејзината вредност.

Измамата била откриена кога законските наследници на Вест се обиделе да ја продадат недвижноста. Кога Сгурос конечно им ги предал клучевите, наводно побарал да му ги надоместат парите што ги вложил во реновирањето.

Против него се поднесени повеќе обвиненија, меѓу кои злоупотреба на службената положба, незаконско користење на идентитет на починато лице, злоупотреба на лични податоци и кривични дела поврзани со користење компјутерски и комуникациски уреди.

По апсењето, Сгурос бил пуштен од притвор со кауција од 25.000 долари. Полициската управа во Лодерхил потврдила дека