МВР информира дека на 28.04.2026 година во 20:10 часот, полициски службеници од СВР Тетово го лишиле од слобода С.С. (26) од село Мала Речица, тетовско.
При претрес во куќата во Тетово, каде што престојувал, извршен со судска наредба, била пронајдена и одземена марихуана. Лицето е задржано во полициска станица, а по документирање на случајот против него ќе биде поднесена соодветна пријава.
Истиот ден, во 23:30 часот на регионалниот пат Тетово – село Пирок, во село Долно Палчиште, полициски службеници од Полициското одделение Камењане го лишиле од слобода А.Б. (18) од село Долно Палчиште.
При контрола на сообраќајот било запрено патничко возило „порше“ со албански национални ознаки, управувано од Е.А. (20) од Косово, во кое како сопатник бил А.Б. При преглед кај него била пронајдена кафеава материја. И тој е задржан во полициска станица, а по документирање на случајот ќе биде поднесен соодветен поднесок.
