Политичка ескалација: ВМРО-ДПМНЕ го обвини Филипче за предавство

ВМРО-ДПМНЕ со остра реакција ги осуди ставовите на лидерот на СДСМ, Венко Филипче, оценувајќи дека неговите изјави претставуваат „параван за предавство“ и штета за националните интереси.

— реклама —

Од партијата наведуваат дека, доколку Филипче е свесен за своите изјави, тоа значи дека, како што велат, „свесно работи на штета на државата“, алудирајќи на претходните договори со Бугарија и т.н. француски предлог.

— реклама —

„Оваа слаткоречива изјава полна со загриженост е всушност параван за предавство“, стои во реакцијата, во која ВМРО-ДПМНЕ тврди дека СДСМ со ваквите политики го загрозува идентитетот и достоинството на македонскиот народ.

Од партијата додаваат дека остануваат посветени на европската идеја, но, како што наведуваат, на начин што ќе обезбеди „достоинство, почит и зачувување на идентитетот“, а не, како што велат, „потчинување и понижување“.

— реклама —

Во реакцијата се упатуваат и сериозни обвинувања кон Филипче и поранешниот премиер Зоран Заев, оценувајќи дека нивното политичко делување е поврзано со криминал и штетни политики за државата.

— реклама —

Со ова, политичката реторика меѓу двете најголеми партии дополнително се заострува, во пресрет на период на засилени политички тензии и меѓусебни обвинувања.