Поплави и одрони на Филипините однесоа најмалку 12 животи, осум лица исчезнати

Најмалку 12 лица ги загубиле животите, а осум се водат за исчезнати по поплавите и одроните што ги погодија Филипините, предизвикани од комбинацијата на југозападниот монсун и тропските циклони „Куџира“ и „Долфин“.

— реклама —

Според податоците објавени во понеделникот, невремето погодило девет региони и 33 провинции, а последиците ги почувствувале речиси 586.000 луѓе.

— реклама —

Од Канцеларијата за цивилна одбрана соопштија дека најмалку 11 лица се повредени. Меѓу причините за смрт се наведуваат одрони на земјиште и карпи, паднати дрвја, струјни удари и давење.

Поради опасноста од натамошни поплави и одрони, надлежните превентивно евакуирале 4.866 лица од регионите I, III, Калабарзон и Мимаропа.

— реклама —

Повеќе од 32.800 луѓе биле принудени да ги напуштат своите домови и се сместени во центри за евакуација или кај роднини.

Надлежните служби продолжуваат со проценка на последиците и потрага по исчезнатите лица, додека во погодените подрачја се преземаат мерки за помош на населението.