Три ученици загинаа, а осуммина се повредени во пукање во средно училиште во местото Банга, на југот на Филипините. Меѓу загинатите е и 16-годишниот ученик, кој е осомничен за нападот.
Градоначалникот на Банга, Алберт Палеснија, изјави дека сите жртви биле ученици на возраст од 14 до 17 години, а четворица од повредените се во критична состојба.
Инцидентот се случил во Националното средно училиште во Банга, во провинцијата Јужен Котабато. Локалните власти соопштија дека полицијата ги проверува околностите и деталите за нападот.
Ова е втор сериозен вооружен инцидент во училиште на југот на Филипините во последниот месец. На 18 август, во училишен кампус во градот Замбоанга, загинаа најмалку две лица, а девет беа повредени. Тогаш, според градоначалникот, осомничениот ученик влегол во училиштето со пушка и пиштол и отворил оган врз ученици и наставници, по што извршил самоубиство.
