Најмалку четири лица загинаа, а две се водат како исчезнати по поплавите што ги погодија делови од Аризона, соопштија локалните власти.
Според податоците на Службата за вонредни ситуации на округот Гила, поплавите однесоа околу 1.000 шишиња пропан од дисрибутивниот центар, поради што е издадено предупредување за можно присуство на опасни материи во централното градско подрачје на Глоб.
Гувернерката на Аризона, Кети Хобс, прогласи вонредна состојба за да се забрза доставувањето на ресурси во погодените области, а спасувачките служби информираат дека трае потрага по уште потенцијални жртви. Две од загинатите беа најдени во возило каде се удавиле, третата жртва беше пронајдена пред возило во центарот на Глоб, додека четвртиот маж, кој исчезнал за време на ноќната бура, бил најден мртов пред своето возило откако водата се повлекла.
Службата за вонредни ситуации на округот Гила предупреди дека поплавната вода може да содржи опасни материјали и ги повика жителите да бидат внимателни.
