Организаторите на фестивалот „Охридско лето“ соопштија дека поради најавените врнежи од дожд е променета локацијата на балетската претстава „Кармен свита и Болеро“, која ќе се изведе на 22 јули.
Наместо на сцената Долни Сарај, претставата во изведба на Операта и Балетот „Мадленијанум“ од Србија ќе се одржи во Центарот за култура „Григор Прличев“.
Од фестивалот информираат дека одлуката е донесена со цел на публиката и уметниците да им се обезбедат соодветни услови за непречено одвивање на настанот, согласно прогнозите за врнежливо време.
Балетската претстава е дел од програмата на 66. издание на фестивалот „Охридско лето“.
