„После ЗНАМ, се распаѓа и ВМРО-ОКГ - внатрешни конфликти, фракции и повлекување на Сотир“ , вели СДСМ

СДСМ преку соопштение обвини дека по, како што велат, „распадот“ на ЗНАМ, сериозни внатрешни конфликти се појавуваат и во ВМРО-ДПМНЕ.

Од СДСМ посочуваат дека владејачката партија е зафатена од фракциски поделби, внатрешни пресметки и незадоволство меѓу функционерите, споменувајќи го и поранешниот премиер Никола Груевски во контекст на, како што велат, внатрешни структури во партијата.

— реклама —

Во соопштението се тврди дека дошло до „внатрешна чистка“ во ВМРО-ДПМНЕ, со отстранување на потпретседатели и заминување на градоначалникот Сотир Лукровски.

СДСМ наведува дека Лукровски не сакал да биде дел од, како што тврдат, „шеми поврзани со урбанистички планови, легализации, градежни интереси и сомнителни финансиски трансфери“.

— реклама —

Во соопштението се споменува и проектот „Скопје на вода“, кој според СДСМ е поврзан со бизнис интереси по примерот на проектот Белград на вода.

Од партијата додаваат дека, според нив, се зголемува свесноста кај функционерите и во ВМРО-ДПМНЕ и во ЗНАМ за можни истраги поврзани со политички и криминални мрежи во регионот.

Во соопштението повторно беа упатени критики и кон лидерот на ВМРО-ДПМНЕ, Христијан Мицкоски, како и кон лидерот на ЗНАМ, Максим Димитриевски.