Повредил двајца со остар предмет, кај него пронајдени оружје и муниција

СВР Тетово поднесе кривична пријава против 37-годишниот Д.И. од Тетово, поради сомнение за сторени кривични дела „Насилство“ и „Неовластено изработување, држење, посредување и тргување со оружје или распрскувачки материи“.

— реклама —

Според МВР, на 5 јули 2026 година во Тетово, по претходна физичка пресметка, пријавениот со остар предмет им нанел повреди на А.С. (41) и А.С. (42), двајцата од Пршовце.

— реклама —

— реклама —

Следниот ден, полициски службеници извршиле претрес во домот на пријавениот, како и во деловни простории во Тетово.

При претресите биле пронајдени и одземени два пиштола – еден со калибар 7,62 милиметри, со рамка со девет куршуми, и друг со калибар 22 милиметри, со шест куршуми.