Повторно гласање на 53 избирачки места во Србија на 1 ноември

Гласањето на вонредните парламентарни избори во Србија ќе биде повторено на 53 избирачки места во недела, на 1 ноември, одлучи синоќа Републичката изборна комисија (РИК). Избирачките места ќе бидат отворени од 7 до 20 часот.

— реклама —

Претседателот на РИК, Владимир Димитријевиќ, соопшти дека на 31 избирачко место не било можно да се утврдат резултатите од гласањето, додека на останатите 22 гласањето било поништено.

— реклама —

Комисијата едногласно одлучила да бидат испечатени 24.438 гласачки ливчиња, пренесува „Нова.рс“.

— реклама —

Избирачките места на кои не можеле да се утврдат резултатите се наоѓаат во Алексинац, Бачка Топола, Бојник, Владичин Хан, Инѓија, Коцељева, Кула, Куршумлија, Мајданпек, Ќуприја, Суботица и Шид.

Гласањето е поништено на избирачки места во Алексинац, Бабушница, Бачка Топола, Земун, Крушевац, Куршумлија, Лозница, Љиг, Нови Пазар, Петровац на Млава, Пирот, Пожаревац, Прокупље, Трстеник и Ќуприја.