Пожар избувна на американски носач на авиони

На американскиот носач на авиони „УСС Двајт Д. Ајзенхауер“ избувна пожар додека бродот се наоѓал на ремонт во бродоградилиштето во Норфолк, во градот Портсмут, во сојузната држава Вирџинија.

— реклама —

Во инцидентот, кој се случил на 14 април, биле повредени тројца морнари, но по укажаната медицинска помош тие се вратиле на должност, соопшти американската морнарица.

— реклама —

Според портпарол на морнарицата, станувало збор за помал пожар кој веднаш бил ставен под контрола и изгаснат од екипажот и персоналот на бродоградилиштето.

Во соопштението се наведува дека реакцијата била брза и во согласност со обуката, а истрагата за причините за пожарот е во тек.

— реклама —

Носачот на авиони се наоѓа на планиран ремонт веќе 16 месеци, при што се изведуваат обемни работи на погонските системи, борбените системи и условите за живот на екипажот.

— реклама —

Засега не е познато дали инцидентот ќе влијае врз времетраењето на ремонтот и враќањето на бродот во оперативна служба.