Пожар зафати три автомобили во Скопје, оштетена и зграда

Целосно изгоре патнички автомобил во пожар што рано утринава избувнал на улицата „Џон Кенеди“ во Скопје, при што биле оштетени уште две возила, како и дел од фасада на станбена зграда и прозорци од угостителски објект во близина, соопшти Министерството за внатрешни работи.

— реклама —

Според МВР, случајот бил пријавен денеска околу 04:15 часот во СВР Скопје. Во пожарот целосно било опожарено патничко возило „Сеат Алтеа“ со скопски регистарски ознаки, сопственост на А.С. (34).

— реклама —

Огнот зафатил и патничко возило „Мерцедес“, сопственост на С.Х. (34), како и патничко возило „Опел“, сопственост на А.С. (50), сите со скопски регистарски ознаки.

— реклама —

Од пожарот биле оштетени и дел од фасадата на зградата, како и прозорци од угостителски објект во непосредна близина.

— реклама —

Пожарот бил изгаснат од екипа на Бригадата за противпожарна заштита на Град Скопје.