Пожар избувнал во атарот на тетовското село Непроштено, при што биле зафатени дива депонија и сува трева на приватен имот, информира Министерството за внатрешни работи.
Според МВР, случајот бил пријавен на 21 јули во 12:45 часот во СВР Тетово. Огнот зафатил дива депонија и сува трева на имот во сопственост на Љ.И. (67) од селото Непроштено.
На местото интервенирала екипа на Територијалната противпожарна единица, која успешно го локализирала и изгаснала пожарот. Во инцидентот нема повредени лица.
Полициски екипи извршиле увид, а се преземаат мерки за утврдување на причините за пожарот.
