Пожарот во Визбегово е под контрола, се запалила машина за мелење железо, велат од ЦУК

Густ чад се издигна над Скопје откако избувна пожар во близина на Визбегово, каде горел отпад и индустриска опрема.

— реклама —

Според информациите од Центарот за управување со кризи, преку бројот 112 била пријавена запалена машина за мелење железо на улицата 1675 број 24, на подрачјето на Шуто Оризари.

— реклама —

На терен интервенирала Бригадата за противпожарна заштита на Град Скопје со две противпожарни возила.

— реклама —

Од РЦУК Скопје информираат дека пожарот е ставен под контрола и нема опасност од негово ширење, бидејќи локацијата е оградена со ѕидови.

— реклама —

„Пожарот е под контрола и нема ризик да се прошири“, изјави директорот на Центарот за управување со кризи, Мухамед Али.