Пожар го зафати Дубровник: Огнот проголта 6.000 квадратни метри шума

Жителите на дубровничката населба Горица поминаа немирна ноќ откако шумски пожар зафати површина од околу 6.000 квадратни метри.

— реклама —

Пожарот избувнал нешто по полноќ, а пожарникарите успеале да го стават под контрола околу 3 часот наутро. Најголем проблем претставувал јужниот дел од пожариштето кон морето, каде што теренот е стрмен, карпест и тешко пристапен.

— реклама —

„Ситуацијата е подобра, но сè уште е проблематичен делот кон морето. Сепак, изгледаше страшно“, изјавил жупанискиот пожарникарски командир Стјепан Симовиќ.

— реклама —

Во гаснењето бил вклучен и бродот „Орландо“, а на местото пристигнала и полицијата. Сообраќајот во областа бил прекинат, со исклучок на лицата кои живеат таму.

— реклама —

Според првични, неофицијални информации, пожарот можеби бил предизвикан од пиротехника. Жителите пријавиле и силни звуци кои наликувале на експлозии.