Пожар во Буковиќ и Раовиќ, огнот кај Белица под контрола

Три пожари на отворен простор се регистрирани во Македонија до 13 часот денеска, од кои еден сè уште е активен, еден е ставен под контрола, а еден е целосно изгаснат, информира Центарот за управување со кризи (ЦУК).

— реклама —

Активниот пожар е регистриран на територијата на Општина Сарај, каде што гори ниска вегетација во атарите на селата Буковиќ и Раовиќ.

— реклама —

Пожарот кој е под контрола се наоѓа на територијата на Општините Македонски Брод и Сопиште. Огнот избувнал кај селото Белица, во месноста Кајорец, на територијата на Македонски Брод, а потоа се проширил кон Јасен, во Општина Сопиште. Зафатени се нискостеблеста и мешана шума.

— реклама —

Во меѓувреме, изгаснат е пожарот што бил пријавен на територијата на Општина Босилово, во селата Еднокуќево и Моноспитово, каде што горела ниска вегетација.

Од ЦУК информираат дека податоците се однесуваат на состојбата со пожарите на отворен простор до 13 часот на 16 септември 2026 година.