Пожар во хотел во Албанија: Повредени шест лица, меѓу нив туристи од Косово

Повеќе туристи се повредени во пожар што избувнал во хотелот „Бруклин“ во приморскиот албански град Валона, при што петмина од повредените се туристи од Косово, а еден е албански државјанин.

Петмина од повредените биле пренесени на лекување во Тирана, додека еден од нив е во критична состојба.

— реклама —

Според Министерството за здравство, тројца пациенти се примени во Универзитетската клиничка болница „Мајка Тереза“. Еден од нив е во сериозна состојба поради висок процент на изгореници и потребно е континуирано медицинско следење и нега.

Уште двајца повредени се лекуваат во Универзитетската болница за трауматологија.

— реклама —

Медицинските установи соопштија дека здравствената состојба на повредените внимателно се следи и дека им се обезбедува потребната медицинска помош.

— реклама —

Засега нема официјална потврда за причината за избувнувањето на пожарот.