Големите ангажирања на противпожарните екипи, вработените во Националниот парк и локалното население придонесоа пожарот на Пелистер, од ресенска страна, да биде ставен под контрола, информираат од Дирекцијата за заштита и спасување.
Од ДЗС објавија фотографии и видеоснимки, дел од нив направени и од воздух, на кои се прикажани активностите на огнените тимови на ДЗС, како и на професионалните и доброволните противпожарни сили кои учествуваа во справувањето со огнената стихија.
„Сите заедно, со вработените од Националниот парк и со локалните жители, со големи ангажирања го спречија пожарот да се проширува“, наведуваат од ДЗС.
Поради слабата интернет-врска, информациите и снимките пристигнувале отежнато, но од ДЗС велат дека првата порака била јасна – „Пелистер, ресенска страна“, а потоа пристигнала и веста која носи олеснување.
Дејан Спасевски од ДЗС, во кратката порака што ја придружувала снимката од дрон, порачал: „Уште овој дел, ама под контрола е“.
