Познат инфлуенсер убиен за време на пренос во живо во Мексико

Мексиканскиот инфлуенсер Сезар Гастелум е убиен со огнено оружје додека емитувал пренос во живо на социјалните мрежи пред ресторан за брза храна во градот Кулијакан, соопштија локалните власти.

— реклама —

Гастелум, кој имал речиси 600.000 следбеници на „ТикТок“ и бил познат по своите хумористични видеа, бил со пријатели кога до нив се приближиле две лица на мотоцикл. Според информациите, совозачот испукал куршум директно во главата на инфлуенсерот.

— реклама —

Убиството се случува во период на зголемено насилство во Кулијакан, главниот град на мексиканската држава Синалоа, каде што ривалски криминални групи водат борба за контрола врз територијата.

Овој случај потсетува на убиството на 23-годишната инфлуенсерка Валерија Маркез, која во мај 2025 година беше застрелана за време на пренос во живо во салонот каде што работела во државата Халиско.

— реклама —

Мексиканските власти во јули соопштија дека е уапсен Рамон Анхел Алварез Ајала, познат како „Ел Р-1“, кој е осомничен дека стои зад убиството на Маркез, како и зад атентатот врз градоначалникот на Уруапан, Карлос Манзо.