(Видео) Две лица загинаа при пад на мал авион во Мексико, се урна минута по полетувањето

Две лица го загубија животот при пад на мал авион „Цесна 210“ во Мексико, кој се урнал само една минута по полетувањето од Националниот аеродром во Пачука, во сојузната држава Идалго.

— реклама —

Според мексиканската Федерална агенција за цивилно воздухопловство, леталото на компанијата „Групо Аероспасијал Авспејс“ полетало во 9:30 часот по локално време, со дестинација Меѓународниот аеродром во Куернавака, во сојузната држава Морелос.

Авионот се урнал во почетната фаза на искачување, на авенијата Тезонтле, во градската населба Вента Приета, на околу 500 метри од прагот на полетно-слетната патека, надвор од аеродромскиот простор.

— реклама —

— реклама —

Надлежната агенција потврди дека двете лица во авионот загинале и дека е започната истрага за утврдување на причините за несреќата. Засега не се објавени нивните идентитети ниту има официјални информации за евентуален технички дефект, временските услови или други околности што можеле да влијаат врз летот.

Не е потврдено ниту дали има повредени лица на земјата или материјална штета на објекти и возила.

— реклама —