Пратениците и вработени на државно добиваат можност за приватно здравство на товар на институциите, граѓаните нека чекаат термини, вели Мицковски

Политичкиот аналитичар, советник, колумнист и новинар Ивор Мицковски остро реагираше на можноста дел од функционерите и вработените во државни институции да користат приватни здравствени услуги на товар на институциите, додека граѓаните се соочуваат со чекање за прегледи и термини во јавниот здравствен систем.

Во објавата, Мицковски наведува повеќе примери на институции и јавни субјекти за кои тврди дека обезбедуваат приватно здравствено осигурување за раководството или вработените.

— реклама —

Тој посочува дека директори во АД ЕСМ, кое го опишува како еден од најголемите државни загубари, набавиле пакет за приватно здравствено осигурување.

Според Мицковски, приватно здравствено осигурување имаат и вработените во Народната банка.

— реклама —

Тој тврди и дека менаџментот и вработените во Развојната банка на Северна Македонија имаат приватно здравствено осигурување кое не го плаќаат од сопствен џеб, туку се покрива со средства на институцијата.

Како дополнителен пример го наведува и Факултетот за информатички науки и компјутерско инженерство – ФИНКИ, тврдејќи дека приватно здравствено осигурување е обезбедено и за професори кои земаат плата од Буџетот.

— реклама —

Мицковски ја поставува темата во контраст со состојбата во јавното здравство, каде, како што посочува, граѓаните чекаат за прегледи, термини и здравствени услуги.

„Нека јадат гладниве, нека крадат…“, напиша тој на крајот од објавата, со саркастична критика кон начинот на кој се трошат јавните средства.