„Пратеникот Филипче никаде го нема кога се дискутира за суштински прашања за граѓаните и државата во македонското Собрание“, вели ВМРО-ДПМНЕ

ВМРО-ДПМНЕ преку соопштение реагираше на денешната прес-конференција на претседателот на СДСМ, Венко Филипче, обвинувајќи го дека не учествува во собраниските дебати за прашања што се од значење за граѓаните и државата.

— реклама —

Од партијата тврдат дека Филипче, како пратеник, не зел збор на ниту една суштинска расправа во Собранието и дека речиси воопшто не присуствувал на седниците посветени на пратенички прашања.

— реклама —

„Го немаше да дискутира во Собранието ниту вчера, ниту викендов, ниту минатата недела. Каде беше пратеникот Филипче кога местото за дебата е во Парламентот?“, прашуваат од ВМРО-ДПМНЕ.

Според владејачката партија, Филипче се појавува во јавноста со прес-конференции дури по завршувањето на собраниските расправи, наместо активно да учествува во нив.

— реклама —

Во реакцијата се наведува и дека Филипче, како претседател на СДСМ, им давал насоки на пратениците од својата партија да ги напуштат работните групи за важни законски решенија, меѓу кои и Изборниот законик.

— реклама —

Од ВМРО-ДПМНЕ оценуваат дека СДСМ, заедно со Левица, ги блокира реформите поврзани со Изборниот законик и на тој начин, според нив, го попречува напредокот на државата кон полноправно членство во Европската Унија. Дополнително, тврдат дека со ваквото постапување се спречува и носењето на законските измени со кои би се олеснило остварувањето на правото на глас на македонската дијаспора.