Претрес во Гевгелија: Пронајдени марихуана, бела материја и 30 таблети, уапсени три лица

Три лица од Гевгелија се лишени од слобода откако полицијата при претрес во дом пронашла повеќе пакувања со марихуана, бела грутчеста материја, таблети и други предмети со остатоци од различни материи.

— реклама —

На 1 октомври полициски службеници од СВР Струмица – ОВР Гевгелија го лишиле од слобода И.Т. (26) од Гевгелија. При претресот во неговиот дом, извршен со судска наредба, биле пронајдени повеќе пакувања со марихуана и бела грутчеста материја, 30 таблети, како и други предмети со остатоци од марихуана и бела прашкаста материја.

— реклама —

— реклама —

При преземањето на службените дејствија, во близина на домот биле затекнати и С.Џ.К. (19) и Х.А. (25), двајцата од Гевгелија. При прегледот кај С.Џ.К. било пронајдено пакување со марихуана, по што и двајцата биле лишени од слобода.

За случајот е известен јавен обвинител од Основното јавно обвинителство Гевгелија. Од МВР информираат дека по целосното документирање на настаните ќе биде поднесена соодветна пријава.