Претрес во Куманово: Пронајдени дрога и метадон, уапсени четири лица

Четири лица од Куманово се лишени од слобода по полициска акција во која биле пронајдени дрога, метадон и предмети поврзани со употреба и подготовка на наркотични супстанции, информира Министерството за внатрешни работи.

— реклама —

Според МВР, на 25 јули полициски службеници од СВР Куманово ги привеле Д.И. (55), М.И. (26), Р.А. (50) и А.П. (46), сите од Куманово.

— реклама —

При претрес во домот на Д.И., извршен со судска наредба, сопственикот не бил затекнат, но во куќата биле неговиот син М.И., како и Р.А. и А.П. При претресот биле пронајдени и одземени прашкаста материја, дигитална вага, предмети со остатоци од бела прашкаста материја, метадон и други предмети.

— реклама —

По преземени оперативни мерки, Д.И. бил пронајден околу 17:30 часот кај Спомен-костурницата во Куманово. При преглед кај него биле пронајдени предмети со остатоци од прашкаста материја, дробилка и други предмети.

— реклама —

Од МВР соопштија дека по целосното документирање на случајот, против четворицата ќе бидат поднесени соодветни пријави.