Претседателот на Општинската организација на ЗНАМ во Кисела Вода преминува во СДСМ

Виктор Петков, претседател на Општинската организација на ЗНАМ во Кисела Вода, ја напушта партијата и се приклучува на СДСМ, информираат од опозициската партија.

— реклама —

Од СДСМ велат дека ова е уште еден показател за осипувањето на ЗНАМ, посочувајќи дека партијата на Максим Димитриевски ги изневерила очекувањата на своите членови и гласачи.

„Димитриевски им ветуваше дека ќе бидат коректив и алтернатива, а ги злоупотреби за свои лични бизнис интереси. Ја предаде својата партија, ги предаде гласачите“, се наведува во реакцијата на СДСМ.

— реклама —

Од партијата оценуваат дека ЗНАМ било политички сателит на ВМРО-ДПМНЕ и на Христијан Мицкоски, со цел слабеење и делење на опозицијата.

— реклама —

Според СДСМ, по заминувањето на пратеници и советници, сега партијата ја напуштаат и луѓето кои ги предводеле нејзините општински организации.

„Луѓето препознаваат дека СДСМ е единствена неконтролирана опозиција. Вратите на СДСМ се отворени, СДСМ е наш заеднички дом“, порачуваат од партијата.

— реклама —

Оттаму додаваат дека продолжуваат со борбата против, како што велат, криминалот на власта и за подобар живот на граѓаните.