Триесет и тригодишен скопјанец пријавил во полиција дека бил физички нападнат по инцидент што се случил при паркирање на товарно возило на подрачјето на Бит Пазар.
Според Министерството за внатрешни работи, случајот бил пријавен на 27 јули во 17:00 часот. Н.Б. (33) изјавил дека околу 11:40 часот, додека се обидувал да го паркира товарното возило што го управувал, со ретровизорот закачил едно лице.
Како што навел, лицето потоа му го оштетило ретровизорот на возилото и физички го нападнало, при што употребило и тврд предмет.
Од МВР информираат дека се преземаат мерки за целосно расчистување на случајот.
