„Приговорот на ЕСМ е доказ дека обвинителите Коларевиќ и Абази постапиле непрофесионално и паушално во случајот Мазут“, вели Милошоски

Пратеникот и член на Извршниот комитет на ВМРО-ДПМНЕ, Антонио Милошоски, на денешната прес-конференција изјави дека приговорот поднесен од ЕСМ е доказ дека истрагата за случајот „Мазут“ била водена непрофесионално и паушално.

— реклама —

На прес-конференција, Милошоски ги обвини обвинителите Ленче Коларевиќ и Ислам Абази дека со одлуката за прекин на истрагата постапиле во корист на лица блиски до СДСМ и ДУИ.

— реклама —

Според него, приговорот на ЕСМ до Вишото јавно обвинителство отвора можност случајот повторно да биде преиспитан и истрагата да продолжи.

— реклама —

Милошоски оцени дека обвинителството треба да ја коригира, како што ја нарече, „контроверзната“ одлука за прекин на постапката поврзана со набавките на мазут за ТЕЦ Неготино, чија вредност, според него, изнесува 167 милиони евра.

— реклама —

Тој порача дека сите лица за кои постои сомнеж за незаконито постапување треба да одговараат пред судските органи.